ՏԵՍԱՆՅՈՒԹ. Երկրագնդի խոշորագույն օզոնային «ճեղքը» փակվել է.
Երկնակամարում երբևէ դիտարկված ամենախոշոր օզոնային «ճեղքը» օրեր առաջ փակվել է։ Այն ընդամենը շաբաթներ առաջ էր ձևավորվել՝ գերազանցելով իր բոլոր նախորդներին։ Այս մասին հայտնում է Mail Online կայքը։
Օզոնային շերտի այդ անցքն առաջացել էր վաղ գարնանը։ Գիտնականները ենթադրում են, որ դրա պատճառը դիտարկված ցուրտ ձմեռն է եղել։ Սակայն գարնան գալուստից շատ ժամանակ չանցած՝ օզոնային շերտը վերականգնվել է։
Ճեղքը գտնվում էր արկտիկական գոտու երկնքում։ Դա նշանակում է, որ Արեգակի ուլտրամանուշակագույն ճառագայթները Երկրագնդի մակերեսին հասնում էին գրեթե անարգել։ Սակայն բևեռային գոտու դիրքի պատճառով դրանք էական վնաս չեն հասցրել։
Հենց օզոնային շերտի գոյությունն է ապահովում, որ ուլտրամանուշակագույն ճառագայթման չնչին տոկոսը հասնի Երկիր։ Եթե օզոնային շերտը չլիներ, կենդանի օրգանիզմները չէին դիմանա ճառագայթների հսկայական հոսքին։
