Արագածոտնի մարզում Mercedes մակնիշի ավտոքարշակը գլորվելով՝ գլխիվայր հայտնվել ձորում
Այսօր՝ հունիսի 4-ին, խոշոր ավտովթար է տեղի ունեցել Արագածոտնի մարզում։ Այս մասին հայտնում է Shamshyan.com-ը։ Ժամը 05։30-ի սահմաններում Հովիկ Ղ-ն իր վարած Mercedes մակնիշի ավտոքարշակով Թալին-Կարմրաշեն ավտոճանապարհի 5-րդ կմ հատվածում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել երկաթբետոնե արգելապատնեշին և մի քանի պտույտ գլորվելով՝ գլխիվայր հայտնվել ձորում։ Ինչպես հայտնում է ֆոտոլրագրող Գագիկ Շամշյանը, Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։ Դեպքի վայր են ժամանել ԱԻՆ փրկարար ծառայության եւ Ճանապարհային ոստիկանության ծառայողները։ Օպերատիվորեն ժամանել են նաև Թալինի հիվանդանոցի բժիշկների խումբը, սակայն վարորդը հրաժարվել է բժշկական օգնությունից՝ հայտնելով, որ վթարի հետևանքով ինքը չի տուժել։ Փաստի առթիվ նյութեր են նախապատրաստվում։
