Խոշոր ավտովթար Լոռու մարզում. բախվել են Porsche Cayenne-ն ու Lada-ն. կան վիրավորներ, որոնցից երկուսին ավտոմեքենայից դուրս են բերել Վանաձորի փրկարարները.
Երեկ՝ հունիսի 21-ին, խոշոր ավտովթար է տեղի ունեցել Լոռու մարզում: Ժամը 23։00-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Վանաձոր-Դիլիջան ավտոճանապարհի 10 կմ հատվածում՝ Լերմոնտովո գյուղի տարածքում, ավտովթար է տեղի է ունեցել։ Ինչպես հայտնում է ֆոտոլրագրող Գագիկ Շամշյանը, օպերատիվորեն դեպքի վայր են ժամանել ԱԻՆ փրկարար ծառայության Լոռու մարզային փրկարարական վարչության թիվ 37 հրշեջ-փրկարարական ջոկատը, այնուհետև՝ թիվ 36 հրշեջ-փրկարարական ջոկատը՝ 1 մարտական հաշվարկով։ Պարզվել է, որ դեռևս անհատ հանգամանքներրւմ բախվել են Երևանի բնակիչ՝ 37-ամյա Վահե Աշոտյանի վարած Porsche Cayenne մակնիշի և Ֆիոլետովո գյուղի բնակիչ՝ 24-ամյա Միխայիլ Դյակոնովի վարած Վազ 2115 մակնիշի ավտոմեքենաները։ Վթարի հետևանքով Մ. Դյակոնովը նրա ուղևորներ՝ Ֆիոլետովի գյուղի բնակիչ՝ 23-ամյա Վասիլի Նովիկովը և Վանաձորի բնակիչ՝ 28-ամյա Ալեքսանդր Բոլոտինը մարմնական վնասվածքներով տեղափոխվել են «Վանաձոր» բժշկական կենտրոն։ Փրկարարները հոսանքազրկել են ավտոմեքենաները, սահմանազատել տարածքն ու վիրավորներից 2-ին քաղաքացիների օգնությամբ պատգարակով մոտեցրել են օպերատիվորեն վթարի վայր ժամանած Վանաձորի հիվանդանոցի շտապօգության ավտոմեքենային։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է Վանաձոր քաղաքի ոստիկանության Գուգարքի բաժին, որտեղից ժամանել է օպերատիվ խումբը՝ բաժնի պետ Մելինե Եղշատյանի գլխավորությամբ: Տեղում հետաքննչական աշխատանքները ղեկավարել է ճանապարհային ոստիկանության 2-րդ սպայական գումարտակի 5-րդ վաշտի հետաքննիչ Գ. Մուքոյանը, ում կողմից փաստի առթիվ նյութեր են նախապատրաստվում։
shamshyan.com
