Արծրուն Հովհաննիսյանը հորդորում է չհավատալ ՀՀ ԶՈՒ կորուստների մասին ապատեղեկատվություններին

Arcrun

Պաշտպանության նախարարության Վազգեն Սարգսյանի անվան ռազմական համալսարանի հրամանատարաշտաբային ֆակուլտետի պետ Արծրուն Հովհաննիսյանը հորդորում է չհավատալ ՀՀ Զինված ուժերի կորուստների մասին ապատեղեկատվություններին: «Արմենպրես»-ի փոխանցմամբ՝ այս մասին Հովհաննիսյանը գրել է «Ֆեյսբուք»-ի իր էջում, անդրադառնալով հայ-ադրբեջանական սահմանի ուղղությամբ Ադրբեջանի կողմից վերսկսված հրետակոծությանը:

«Չհավատաք ՀՀ ԶՈւ-երի մարդկային և այլ կորուստների մասին ինֆոներին։ Դրանք ապատեղեկատվություն են»,- գրել է Հովհաննիսյանը, որը նախկինում զբաղեցնում էր ՀՀ ՊՆ մամուլի քարտուղարի պաշտոնը:

Նա նաև հայտնել է, որ հակառակորդը ոչ մի քայլի, ոչ մի միլիմետր կալիբրի առավելություն չունի հայկական բանակի նկատմամբ, իսկ ՀՀ ԶՈւ-երը իրենց խնդիրը ուղղակի փայլուն են կատարում։

Ավելի վաղ ՀՀ պաշտպանության նախարարության մամուլի խոսնակ Շուշան Ստեփանյանը հայտնել էրոր Ադրբեջանի զինված ուժերի զինծառայողները հուլիսի 12-ին՝ ժամը 12:30-ի սահմաններումՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: «Հայկական կողմի նախազգուշացումից հետո Ադրբեջանի զինծառայողներըթողնելով ՈՒԱԶ մակնիշի ավտոմեքենանվերադարձել են իրենց դիրք:  Ժամը 13: 45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձըկիրառելով հրետանային կրակսակայն ճնշվել են հայկական կողմից ևկորուստներ կրելովհետ շպրտվել»,- հայտնել էր Ստեփանյանը՝ հավելելովոր հայկական կողմից կորուստներ չկան:

Ադրբեջանի պաշտպանության նախարարությունը հայտնել էոր հայադրբեջանական սահմանին հուլիսի 12-ին տեղի ունեցած միջադեպի հետևանքով զոհվել  է ադրբեջանական զինուժի  2 զինծառայողևս 5-ը վիրավորվել են։ Հիվանդանոցում մահացել է վիրավորներից ևս մեկը:

Շուշան Ստեփանյանը հայտնել է, որ ադրբեջանական կողմը վերսկսել է հրետակոծել հայկական նույն դիրքի ուղղությամբ, որտեղի ժամեր առաջ փորձել էին ՈՒԱԶ մակնիշի ավտոմեքենայով անցնել հայ-ադրբեջանական սահմանը:

«Ադրբեջաբական կողմը վերսկսել է հրետակոծել մեր նույն դիրքի ուղղությամբ 82 մմ ականանետից և տանկից: Իրավիճակի լարման հետևանքների ամբողջ պատասխանատվությունը կրելու է Ադրբեջանի ռազմաքաղաքական ղեկավարությունը»,- «Ֆեյսբուք»-ի իր էջում գրել է Ստեփանյանը։

Ձեզ կհետաքրքրի...