Փրկարարները հեռացրել են ծառի ճյուղերը սրճարանի տարածքից
Հուլիսի 21-ին, ժամը 19։15-ին Ճգնաժամային կառավարման ազգային կենտրոն ահազանգ է ստացվել, որ Երևանյան փողոցում գտնվող «Անուշիկ Խոջոյան» ՍՊԸ-ին պատկանող սրճարանի տարածքում ծառ է ընկել։
Դեպքի վայր է մեկնել ԱԻՆ ՓԾ Տավուշի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ սրճարանի տարածքում երկու եղևնի (մոտ 16 մ երկարությամբ և 30 սմ տրամագծով) քամուց կոտրվել և վնասել է սրճարանի հովանոցներից երկուսը:
Փրկարաները վնասված եղևնիները մասնատել և հեռացրել են սրճարանի տարածքից։
