Բեյրութի պայթյունի հասցրած վնասը գերազանցում է 15 մլրդ դոլարը
Բեյրութի նավահանգստում հզոր պայթյունի հասցրած վնասի չափը գերազանցում 15 մլրդ դոլարը՝ գրում է ТАСС գործակալությունը: Այսպիսի տվյալներ է հայտնել Լիբանանի նախագահ ՄԻշել Աունը՝ Իսպանիայի Ֆիլիպ 6-րդ թագավորի հետ հեռախոսազրույցի ժամանակ:
«Նախագահ Աունն ընդգծել է, որ նախնական գնահատականի համաձայն, Լիբանանի կրած վնասի չափը գերազանցում է 15 մլրդ դոլարը»,- ասվում է արաբական երկրի նախագահի մամուլի ծառայության հայտարարության մեջ: Իսպանիայի միապետն իր ցավակցությունն ու համերաշխությունն է հայտնել Լիբանանի ժողովրդին:
Ապահովագրական ընկերությունները Լիբանանի վնասը գնահատել են 3 մլրդ դոլար: Լիբանանի ներքին անվտանգության վարչությունից հայտնել էին, որ պայթյունի հետևանքով մասամբ կամ ամբողջովին ավերվել է մոտ 4 հազար շինություն:
