Անդրադառնալով Lurer com-ի հետաքրքրաշարժ թվաբանությանը. Աննա Նաղդալյան

agn

Աննա Նաղդալյան. <<Անդրադառնալով Lurer.com-ի հետաքրքրաշարժ թվաբանությանը՝ «Դիվանագիտական ծառայության մասին» օրենքի հիման վրա տրված դիվանագիտական անձնագրերի մասին՝ հարկ եմ համարում, գուցե, այդ հարցը վերջիններիս ավելի հանրամատչելի բացատրել՝ ստորև ներկայացված ինֆոգրաֆիկայով:

▪️Մեջբերեմ ԱԳՆ պատասխանի օրիգինալ, Lurer.com-ի կողմի չխմբագրված տարբերակը, որին, ի դեպ, արվել էր առանց ԱԳՆ տեղեկացնելու. «2018թ․ մայիսից մինչ օրս ՀՀ արտաքին գործերի նախարարությունը, ղեկավարվելով «Դիվանագիտական ծառայության մասին» ՀՀ օրենքի 49-րդ հոդվածով, տրամադրել է 783 դիվանագիտական անձնագիր, ինչն իր մեջ ներառում է նաև ՀՀ դիվանագետների՝ նշված ժամանակահատվածում դիվանագիտական անձնագրերի ժամկետն ավարտվելու կապակցությամբ տրամադրված նոր անձնագրերի քանակը։

▪️Վերոնշյալ անձանցից 764-ին դիվանագիտական անձնագիրը տրամադրվել է «Դիվանագիտական ծառայության մասին» ՀՀ օրենքի 49-րդ հոդվածի 1-ին մասի պահանջով (ՀՀ-ում և օտարերկրյա պետություններում դիվանագիտական ծառայության մարմիններում ծառայության ներգրավված անձինք, օտարերկրյա պետությունում նրանց հետ մշտապես բնակվող ընտանիքի անդամներ, պետական պաշտոն զբաղեցնող և օրենքով անհատապես սահմանված այլ անձինք)»։

▪️Հավելեմ, որ «Դիվանագիտական ծառայության մասին» օրենքի 49-րդ հոդվածի 2-րդ մասի հիման վրա 2018թ. մայիսից մինչ օրս ՀՀ վարչապետի թույլտությամբ տրվել է ընդամենը 19 դիվանագիտական անձնագիր (ընդ որում օրենքում անհատապես չնշված, բայց բոլոր դեպքերում պետական ծառայության հետ առնչվող գործունեության բերումով): Ի դեպ՝ այս թիվը 2018թ. մայիսից առաջ նույն դրույթով տրված անձնագրերի թվից 90-ից ավել տոկոսով նվազ է:

▪️Այս պահին վավեր ՀՀ դիվանագիտական անձնագիր ունի 1127 անձ։ 2018թ. մայիսից մինչ օրս ԱԳՆ-ն, ղեկավարվելով 50-րդ հոդվածով, 425 դիվանագիտական անձնագիր հայտարարել է անվավեր:

▪️Իրականում լրատվականի «թվաբանությունը» կթողնեմ առանց մեկնաբանության՝ ընդգծելով, որ ԱԳՆ-ն հետամուտ է «Դիվանագիտական ծառայության մասին» օրենքի խստագույն կատարման>>:

🔶️Աննա Նաղդալյան. <<Անդրադառնալով Lurer.com-ի հետաքրքրաշարժ թվաբանությանը՝ «Դիվանագիտական ծառայության մասին» օրենքի…

Опубликовано ՀՀ Արտաքին գործերի նախարարություն / Ministry of Foreign Affairs of Armenia Пятница, 4 сентября 2020 г.

Ձեզ կհետաքրքրի...