Ստիպված եմ մեկ անգամ էլ ասել, կներեք, եթե կտրուկ հնչի. Բաբկեն Թունյան
Ստիպված եմ մեկ անգամ էլ ասել, կներեք, եթե կտրուկ հնչի։
Արդեն մի քանի անգամ հայտարարվել է, որ ամենաճիշտը դրամական փոխանցումն է՝ Հայաստան համահայկական հիմնադրամին, Արցախի ֆիննախի հաշվին, կամ Զինծառայողների ապահովագրության (1000 դրամների) հիմնադրամին։
Պարզ է, որ շատերը շարունակում են անկեղծ մղումներով տարբեր ապրանքներ ուղարկել Արցախին։ Կամ փորձում են։ Դա այնքան էլ ցանկալի չէ, բայց բնական է, ու խորին շնորհակալություն այդ մարդկանց։
ԲԱՅՑ
Հրապարակային հայտարարել, թե ԲԱՆԱԿԻՆ այսինչ բաներն են պետք ու կոչ անել օգնել, դա առնվազն սխալ է։
Հիշեցնում եմ «Հայաստանի Հանրապետությունում ռազմական դրություն հայտարարելու մասին» որոշման կետերից մեկը, որի համաձայն՝
Արգելվում է Հայաստանի Հանրապետության և Արցախի Հանրապետության պաշտպանունակության ու անվտանգության դեմ ուղղված քարոզչությունը, այդ թվում` Հայաստանի Հանրապետության և Արցախի Հանրապետության ՊԱՇՏՊԱՆՈՒՆԱԿՈՒԹՅՈՒՆԸ ԿԱՍԿԱԾԻ ՏԱԿ ԴՆՈՂ հաղորդումների հրապարակումը:Բանակի ղեկավարությունը ամենից լավ գիտի՝ բանակին ինչ է պետք, և ինչպես լուծել խնդիրները։ Մենք, եթե ցանկանում ենք օգուտ տալ, կարող ենք գումար փոխանցել, որը ըստ նպատակի ճիշտ կօգտագործվի։
Եվ ուրեմն, եթե այսքան ասելուց հետո մարդ շարունակում է ինքնագլուխ կոչեր անել, ու իրեն ռազմական գործի խոշոր մասնագետի տեղ դրած՝ սոցցանցերում դատողություններ է անում, զգուշացնելուց հետո էլ չի խրատվում, ուրեմն…
Ուրեմն մտածելու տեղ ունենք։
Ստիպված եմ մեկ անգամ էլ ասել, կներեք, եթե կտրուկ հնչի։Արդեն մի քանի անգամ հայտարարվել է, որ ամենաճիշտը դրամական…
Опубликовано Бабкеном Туняном Пятница, 9 октября 2020 г.
-
-
