Արցախում կարճ ժամանակում ստեղծվել է դաշտային ավտոպարկ
Երկու շաբաթվա ընթացքում Իվանյան (Խոջալու) բնակավայրի տարածքում դաշտային ավտոտեխնիկական համալիրի տեղակայման աշխատանքներ են իրականացվել՝ ռուսական խաղաղապահ զորակազմի ստորաբաժանումների ամենօրյա գործունեությունն ապահովող տրանսպորտային միջոցների և զրահամեքենաների վերանորոգման, տեխնիկական սպասարկման և տեխնիկական վիճակի մշտադիտարկման համար: Այդ մասին հայտնում է ՌԴ ՊՆ կայքը:
6 հազար քառակուսի մետր տարածքում տեղ է հատկացվել ավելի քան 360 միավոր տեխնիկայի տեղակայման, սպասարկման և նորոգման կետի, վերահսկման և տեխնիկական կետի, КАЗС-2 բենզալցակայանի և ավտոզրահատանկային գույքի պահեստի համար: Սարքավորվել են մուտքային ճանապարհները, հիմնական և պահեստային ելքերը՝ հանձնարարված առաջադրանքները կատարելիս տեխնիկայի անխոչընդոտ դուրսբերման համար:
Ավտոպարկի տեխնիկական հագեցվածությունը թույլ է տալիս օրական վերանորոգել ավելի քան 10 միավոր ավտոմոբիլ և զրահամեքենա:
Դաշտային ավտոպարկի շահագործումը կապահովի պատասխանատվության գոտիներում ռուս խաղաղապահների ամենօրյա գործունեության անխափան տրանսպորտային աջակցությունը:
-
-
