Պատրաստ եմ իմ միջնորդական առաքելությունը բերել քաղաքական ճգնաժամը պատվով հաղթահարելու գործում. ԱՀ նախագահ
Արցախի նախագահ Արայիկ Հարությունյանը մտահոգված է ՀՀ-ում վերջին ներքաղաքական զարգացումներից:
«Հայաստանի Հանրապետությունում վերջին ներքաղաքական զարգացումները խիստ մտահոգիչ են, և հորդորում եմ բոլոր կողմերին սթափություն ու ողջամտություն ցուցաբերել, այլապես մեր պարտությունը շատ ավելի խորն ու ճակատագրական է լինելու: Բավ է, որքան արյուն ենք թափել, այժմ ժամանակն է ճգնաժամերը թոթափելու և անցնելու երկարատև զարգացման ու զորացման ճանապարհով:
Այս պահին գտնվելով Երևանում՝ ես պատրաստ եմ իմ միջնորդական առաքելությունը բերել այս քաղաքական ճգնաժամը պատվով հաղթահարելու գործում»,- գրել է Արցախի նախագահ Արայիկ Հարությունյանը Ֆեյսբուքի իր էջում:
