«Հայրենիքի փրկության շարժման» համակիրները վրաններ են տեղադրել ԱԺ շենքի մոտ
Ընդդիմության կողմնակիցները շարունակում են երկու կողմից բարիկադներով փակ պահել Երևանի Բաղրամյան պողոտան:
Նրանք վրաններ են տեղադրել Ազգային ժողովի շենքի դիմաց, վառել են խարույկներ և պատրաստվում են գիշերել այդտեղ:
Ավելի վաղ ընդդիմության վարչապետի թեկնածու Վազգեն Մանուկյանը հայտարարել էր, որ «իշխանության հարցը լուծվելու է Ազգային ժողովում, և պատրաստ են ամբողջ գիշեր մնալ այստեղ»:
