Ասել են՝ եթե ուզում եք «նիսիայով» հաց գնել, գնացեք, մասնակցեք Փաշինյանի հավաքին. Զոհրաբյան
Հայաստանի անկախության պատմությունից ի վեր նման կերպով վարչական ռեսուրս չէր օգտագործվել, լրագրողների հետ զրույցում ասաց ԱԺ «Բարգավաճ Հայաստան» խմբակցության անդամ Նաիրա Զոհրաբյանը՝ անդրադառնալով երեկ Նիկոլ Փաշինյանի հանրահավաքին:
Նա տեղեկացրեց, որ Սյունիքի մարզպետարանի աշխատակիցն իրեն հայտնել է, որ իրենց պատրադրում են հարազատների հետ գնալ Հանրապետության հրապարակ, բայց նրանց միջոցներով իրենք մասնակցելու են Բաղրամյան պողոտայում ընդդիմության հանրահավաքին:
Նաիրա Զոհրաբյանն ասաց նաև, որ Ստեփանավանի ամենաանբարեկարգ թաղամասերից ևս զանգել են ու տեղեկացրել իրենց Հանրապետության հրապարակ հանրահավաքի տանելու մասին:
«Ասել են՝ կամ խանութում «նիսիայի» գումարը կվճարեք, կամ էլ եթե ուզում եք «նիսիայով» հաց գնել, գնացեք, մասնակցեք Փաշինյանի հավաքին», — պատմեց Զոհրաբյանը:
auroranews.am
-
-
