Երեկ կործանված թուրքական ուղղաթիռում մահացածների թվում էին 1 գեներալ֊լեյտենանտ, 1 գնդապետ, 3 կապիտան
Մարտի 4-ին Թուրքիայի Բիթլիս նահանգում Թուրքիայի ԶՈւ ցամաքային ուժերի Cougar տիպի ուղղաթիռի կործանումից մահացել է 11 զինծառայող, վիրավորվել՝ 2-ը։ Թուրքիայի ՊՆ-ն հրապարակել է մահացածների անունները, որոնց թվում է նաև Թուրքիայի 3-րդ բանակի 8-րդ կորպուսի հրամանատար գեներալ-լեյտենանտ Օսման Էրբաշը։
Մահացածներն են՝
- հետախուզության գնդապետ Շենթուրք Այդընյեր (Şentürk Aydıner)
- Տեխսպասարկող կապիտան Սալիհ Սարըօղլու (Salih Sarıoğlu)
- Տեխսպասարկող ավագ ենթասպա Մեհմեթ Դեմիր (Mehmet Demir)
- ՑՈւ օդաչու կապիտան Գյոքհան Ույսալ (Gökhan Uysal)
- ՑՈւ օդաչու կապիտան Թայֆուն Քուրեշ (Tayfun Kureş)
- Կապի կրտսեր ենթասպա Օմեր Ումուլու (Ömer Umulu)
- Հրետանավոր սերժանտ Նազմի Յըլմազ (Nazmi Yılmaz)
- Տեխնիկ սերժանտ Շյուքրյու Քարադիրեք (Şükrü Karadirek)
- Հետևակի սերժանտ Հաքան Գյուլ (Hakan Gül)
- Հետևակի սերժանտ Թոլգա Դեմիրջի (Tolga Demirci)
Հիշեցնենք, որ թուրքական ուղղաթիռը թռիչք էր կատարել Բինգյոլից ու շարժվել դեպի Թաթվան, կործանվել էր Չեքմեջե գյուղում։ Նախնական տվյալներով` ուղղաթիռը վթարվել է եղանակային պայմանների կտրուկ վատթարացման հետևանքով։
razm.info
