ՆԱՏՕ-ի գլխավոր քարտուղարը Թուրքիայի հետ կապված հարցերում անհանգստություն է հայտնել
ՆԱՏՕ-ի գլխավոր քարտուղար Յենս Ստոլտենբերգը Եվրախորհրդարանի Անվտանգության և պաշտպանության հանձնաժողվի նիստի ժամանակ խոսել է նաև դաշինքի անդամ Թուրքիայի հարուցած խնդիրների մասին:
Ստոլտենբերգը անհանգստություն է հայտնել Արևելյան Միջերկրականում Թուրքիայի ու Հունաստանի միջև առկա լարվածության, Անկարայի կողմից գնված ռուսական С-400 ՀՕՊ համակարգերի և Թուրքիայում մարդու իրավունքների վիճակի կապակցությամբ:
Անդրադառնալով հույն-թուրքական լարվածությանը՝ ՆԱՏՕ-ի գլխավոր քարտուղարը բնական է համարել, որ դաշինքի անդամ 30 երկրներից որոշների միջև կարող են լինել տարաձայնություններ՝ ավելացնելով, որ ՆԱՏՕ-ն դրանք քննարկելու համար կարևոր հարթակ է հանդիսանում:
Ստոլտենբերգը շեշտել է, որ Թուրքիայի ու Հունաստանի միջև լարվածությունը թուլացնելու նպատակով դաշինքի շրջանակներում հիմնվել վեճերը լուծելուն միտավծ մեխանիզմներ, բացի այդ՝ Աթենքն ու Անկարան նույնպես բանակցություններ են սկսել:
-
-
