Գիտեր՝ իրեն ինչ է սպասվում. Սուրիկ Խաչատրյանը՝ որդու ձերբակալման մասին
ArmLur.am-ի հետ զրույցում Սյունիքի նախկին մարզպետ Սուրիկ Խաչատրյանը հայտնեց` «Իմ որդին գիտեր, որ իր նկատմամբ քրեական գործ կար, բայց էլ չէր դիմանում, Սյունիքի հետ կապված շատ էր մտահոգվում: Ես չեմ չափազանցնում, ասեց թող տանեն կալանավորեն , ինչ ուզում են, անեն, ես պետք է գնամ իմ հայրենիք, իմ Սյունիք: Ձեզ ասեմ մեկ բան էլ ու վերջ, երբ նա մեկնեց Անգլիա, իր ա նկատմամբ ոչ մի քրեական գործ չկար, հետո են հարուցել քրեական գործը: Ինքը քառօրյա պատերազմին 15 օր «Եղնիկերում» է եղել, շատերը կվկայեն այդ մասին, բայց հիմա էլ չէր դիմանում՝ շատ լավ իմանալով, որ գա Հայաստան, այդտեղ ինչ է սպասվում իրեն, բայց որոշեց ու եկավ, հայրենիքը թանկ է ամեն ինչից»,-հայտնեց Սյունիքի նախկին մարզպետը:
Հիշեցնենք, որ մարտի 17-ին, ժամը 00.10-ին, Դոհա-Երևան չվերթով Հայաստան է ժամանել և «Զվարթնոց» օդանավակայանից Կենտրոնական բաժին տեղափոխվել 26-ամյա Տիգրան Խ.-ն, որը 2018 թ. օգոստոսի 28-ից Կենտրոնական բաժնի կողմից հետախուզվում էր ՀՀ քրեական օրենսգրքի 325-րդ (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը) և 327-րդ (Ժամկետային զինվորական կամ այլընտրանքային ծառայությունից, վարժական հավաքներից կամ զորահավաքային ծառայությունից խուսափելը) հոդվածների մեղադրանքով:
Խափանման միջոցը՝ ստորագրություն:
Նշենք, որ Տիգրան Խ.-ն Սյունիքի նախկին մարզպետ Սուրիկ Խաչատրյանի որդին է
