Խոշոր ավտովթար Երևանում․ բախվել են Toyota Land Cruiser-ը, Nissan-ն ու ЗИЛ-ը․ կան վիրավորներ․

Artashati khchughi

 Այսօր, օգոստոսի 3-ին, խոշոր ավտովթար է տեղի ունեցել Երևանում։ Ժամը 14։30-ի սահմաններում Արտաշատի խճուղում, կամրջի վրա բախվել են Toyota Land Cruiser, Nissan և ЗИЛ 130 մակնիշի ավտոմեքենաները։  Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Էրեբունի» բժշկական կենտրոն։ Օպերատիվ են գործել Երևանի 1-03 շտապօգնության բժիշկների հերթապահ խումբը, ովքեր վիրավորներին մինչև հիվանդանոց տեղափոխելը, տեղում առաջին բուժօգնություն են ցուցաբերել։ Օպերատիվորեն դեպքի վայր են ժամանել ՀՀ ոստիկանության Պարեկային ծառայության Երևանի գնդի 3-րդ գումարտակի 2-րդ վաշտի պարեկներ Նարեկ Ավետիսյանն ու Գոհար Արզումանյանը։ Երևանի գնդից տեղեկությունը փոխանցվել է Պարեկային ծառայության Երևան քաղաքի գնդի ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննական խումբը՝ բաժանմունքի պետ Գրիգոր Ավետիսյանի, ավագ հետաքննիչ Հայկ Պետրոսյանի գլխավորությամբ։ Փաստի առթիվ Հ․ Պետրոսյանի կողմից նյութեր են նախապատրաստվում։ Երթևեկությունը նշված հատվածում ժամանակավորապես դադարեցվել է, իսկ տեղում ուժեղացված ծառայություն են կատարում պարեկները, որպեսզի հետաքրքրասեր վարորդները մեքենաները չկայանեն և խցանում տեղի չունենա։ Ոստիկանությունը պարզում է վարորդների և վիրավորների ինքնությունը։

Լուսանկարը՝ Գագիկ Շամշյանի 

 shamshyan.com

Ձեզ կհետաքրքրի...