ՌԴ նախագահի մամուլի քարտուղար Դմիտրի Պեսկովը մեկնաբանել է Էրդողանի խոսքերը
Ռուսաստանը ՄԱԿ-ի Անվտանգության խորհրդի նվիրյալ անդամ է և հավատարիմ է ՄԱԿ-ի կանոնադրությանը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Թուրքիայի նախագահ Ռեջեփ Թայիբ Էրդողանի այն խոսքերը, որ աշխարհի ճակատագրերը չպետք է որոշեն Երկրորդ աշխարհամարտում «մի խումբ հաղթողներ» ։Այս մասին հաղորդում է РИА Новости-ն։
Պեսկովը նաև հիշեցրել է, որ Վլադիմիր Պուտինն օրերս ՄԱԿ-ի ԱԽ անդամ 5 երկրներին կոչ է արել միավորվել՝ մարդկության դեմ կանգնած մարտահրավերները քննարկելու համար։
Այսօր Անգոլա կատարած այցի ժամանակ Էրդողանը հերթական անգամ հայտարարել է ՄԱԿ-ում վետոյի իրավունք ունեցող երկրների թիվն ավելացնելու անհրաժեշտության մասին։ Հիշեցնենք, որ հիմա այն կիրառելու իրավունք ունեն միայն ՌԴ-ն, ԱՄՆ-ը, Մեծ Բրիտանիան, Ֆրանսիան և Չինաստանը։ Էրդողանն ասել է, թե քաղաքականության իրականացումը չի կարելի թողնել ֆաշիզմը հաղթած խմբի վրա։
Նշենք, որ ՄԱԿ-ի ԱԽ-ում այս ինստիտուտը որոշակի վերատեսության ենթարկելու այլ առաջարկներ ևս եղել են, սակայն պոտենցիալ թեկնածուները G4-ի մեջ մտնող երկրներն են՝ Գերմանիա, Բրազիլիա, Հնդկաստան և Ճապոնիա։
Հավելենք, որ Էրդողանի այս խոսքերը քննադատության ալիք են առաջացրել ՌԴ-ում։
Մասնավորապես, սենատոր Վլադիմիր Ջաբարովը Անկարային զգուշացրել է համաշխարհային աշխարհակարգի դեմ ոտնձգությունների մասին և ավելացրել, որ Թուրքիան վերջին տարիներին ոչինչ չի արել «համաշխարհային նվաճումների» ուղղությամբ։
-
-
