Կա՛մ կառուցել թափանցիկ հարաբերություններ ՌԴ-ի հետ, կա՛մ խոստովանել, որ «քողարկում է ահաբեկիչներին». Քադիրովը՝ Էրդողանին
Չեչնիայի ղեկավար Ռամզան Քադիրովը Թուրքիայի նախագահ Ռեջեփ Թայիփ Էրդողանին կոչ է արել դադարեցնել Ռուսաստանում հանցագործություններ կատարած ահաբեկիչներին քողարկելը։ Այս մասին նա գրառում է արել թելեգրամյան իր էջում:
Քադիրովը Էրդողանին կոչ է արել կա՛մ կառուցել թափանցիկ հարաբերություններ Ռուսաստանի հետ, կա՛մ խոստովանել, որ «քողարկում է ահաբեկիչներին»:
Քադիրովի կարծիքով՝ ահաբեկիչներն այնքան ազատ են իրենց զգում Թուրքիայում, որ իրենց ցինիկ և սադրիչ հակառուսական ելույթներում անպաշտպան կանանց նկատմամբ անգամ գռեհկություններից չեն խորշում:
Նա նշել է, որ թուրքական իշխանությունների ներկայիս գործողությունները ուղղակի սպառնալիք են ռուս – թուրքական հարաբերությունների համար և որ անհրաժեշտ է նման դրսեւորումների դեմ դիվանագիտական կանխարգելիչ միջոցներ ձեռնարկել:
Չեչնիայի ղեկավարն այսպես է արձագանքել Թուրքիայում Ջոհար Դուդաևի անվան զբոսայգու բացմանը։
auroranews.am
-
-
