Ղազախստանի վարչապետ նշանակվեց Ալիխան Սմաիլովը. azatutyun
Ղազախստանի նախագահ Կասիմ-Ժոմարտ Տոկաևը վարչապետի պաշտոնում նշանակեց Ալիխան Սմաիլովին։ Այսօր նրա թեկնածությունը հաստատվել է խորհրդարանի ստորին պալատում։
Սմաիլովը 49 տարեկան է, 2019 թվականի փետրվարից զբաղեցնում էր երկրի առաջին փոխվարչապետի պաշտոնը։ Մինչ այդ տարբեր տարիների աշխատել է որպես ֆինանսների նախարար, Ղազախստանի նախագահի օգնական։
Ղազախստանի օրենսդրության համաձայն՝ վարչապետը նոր կառավարության կառուցվածքի և կազմի վերաբերյալ առաջարկություններ է ներկայացնում նախագահին նշանակվելուց հետո տասն օրվա ընթացքում։
Ղազախստանի կառավարությունը՝ Ասկար Մամինի գլխավորությամբ, հրաժարական է տվել հունվարի 5-ին, երբ երկրում բողոքի զանգվածային ցույցեր ու բախումներ էին։
