Անձի համար այլևս Արցախում Սահմանադրություն չի գրվելու․ԱՀ ԱԺ նախագահ
Կարևոր չէ՝ ինչ քաղաքական ուժեր են գալու պառլամենտ, կարևորն այն է, որ ստացած լինի ժողովրդի վստահության քվեն: Երկրի նախագահին ընտրելու է ժողովուրդը։ Այս մասին այսօր հրավիրված ԱՀ Ազգային Ժողովի հերթական նիստի ժամանակ հայտարարեց ԱՀ ԱԺ նախագահ Արթուր Թովմասյանը:
Նա տեղեկացրեց, որ այսուհետ անձի համար այլևս Արցախում Սահմանադրություն չի գրվելու․
«Գրվելու է ժողովրդի համար, դրա համար ժողովուրդն անպայման մասնակից է լինելու նոր Սահմանադրության փոփոխության քննարկումներին»:
Նրա խոսքով՝ այստեղ միասնականությունը կարևոր չէ, կարևորը համերաշխ, հանդուժող լինելն է:
Վերջինս կոչ արեց անպայման մասնակցել սահմանադրական փոփոխություններին:
Նշենք, որ այսօր Արցախի Ազգային ժողովն առաջին ընթերցմամբ ընդունեց Արցախի սահմանադրության փոփոխության մասին» օրենքի նախագիծը: Նաեւ որոշում կայացվեց այն ուղարկել Արցախի գերագույն դատարանին՝ նրա սահմանադրականության հարցը որոշելու համար:
Նշենք, որ այս փոփոխությամբ Արցախի վարչատարածքային բաժանման վերանայման ժամկետը 5 տարուց դարձավ 10 տարի: