Մաքսային ներկայացուցիչները փողոց են դուրս եկել
Մաքսային ներկայացուցիչները փողոց են դուրս եկել ու բողոքի ակցիա են իրականացնում։ Նրանք այժմ Իսակով 10 շենքի բակում են։ Այս մասին գրել է Hraparak-ը։
«Խնդիրն այն է, որ ՊԵԿ նախագահը հրաման է արձակել, որը, մեր կարծիքով, ակնհայտորեն օրենքին հակասում է։ Մաքսային կարգավորման մասին օրենքով սահմանված է, որ մաքսային ձևակերպումների մասնագետին տրվում է վկայական կոմիտեի սահմանած կարգով, քննություն են հանձնում։ Վկայականը տրվում է անժամկետ, բայց օրենքի մեջ պայման կա, որ 3 տարվա ընթացքում անձը գոնե մեկ անգամ պետք է վերապատրաստվի կոմիտեի սահմանած կարգով։ Դրական արդյունք ցույց տալուց հետո շարունակում է անձը գործունեությունը։ Դա, ինչպես ասացի, տեղի է ունենում երեք տարին առնվազն մեկ անգամ։ Իսկ հիմա էս մարդը ինչ-որ հրաման է ստորագրել ու ասում, որ այս ամենը 6 ամիս պետք է ուժի մեջ մնա ու պայմանով, որ այդ ընթացքում գան վերապատրաստման, քննությունը հանձնեն, իսկ եթե բացասական ստացան կամ չներկայացան, այդ վկայականը արդեն ուժը կորցրած է ճանաչվում»,- այս մասին «Հրապարակին» հայտնեց մաքսային ներկայացուցչական կազմակերպություններից մեկի տնօրենը՝ Արմեն Ավագյանը;
«Մենք հիմա էսօր եկել ենք ասենք, որ եղբայր, դու ո՞վ ես, որ քո լիազորությունները օրենքի գրածից վեր ես դասում ։ Այդ ի՞նչ անհասկանալի թվաբանությամբ ես նման որոշում կայացնում։ Ոնց որ որոշել են, որ ընդունի Շուշանիկ Ներսիսյանը, բայց ինքն ի՞նչ է ասելու, երևի թե ասելու է՝ չէ, գնացեք, լավ էլ օրենքով է էս ամեն ինչը։ Մենք հիմա էս պահին քաղաքակիրթ ճանապարհով զուտ ուզում ենք էս խնդրի մասին բարձրաձայնել»,- հավելեց Ավագյանը։
