Եվրամիությունը կհրաժարվի ռուսական ածխից և կփակի սահմանները փոխադրողների համար. WSJ
Ռուսաստանի դեմ ԵՄ պատժամիջոցների նոր փաթեթի շրջանակում, որը կապված է Ուկրաինայի Բուչա քաղաքում ստեղծված իրավիճակի հետ, Եվրահանձնաժողովը կառաջարկի ամբողջությամբ հրաժարվել ռուսական ածխի ներկրումից, դադարեցնել նոր սարքավորումների մատակարարումները և փակել ծովային ու ցամաքային սահմանները ռուսական փոխադրողների համար: Այդ մասին դիվանագետների տեղեկությանը հղումով գրում է The Wall Street Journal-ը։
Նման միջոցները պետք է հաստատեն Եվրամիության բոլոր 27 անդամները։ Ավելի վաղ ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը խոստովանել էր, որ հնարավոր չի լինի պատժամիջոցներ կիրառել ռուսական գազի նկատմամբ Հունգարիայի պատճառով, որը չափազանց շատ է կախված մատակարարումներից։
ՄԱԿ-ի գլխավոր քարտուղար Անտոնիո Գուտերեշը երեքշաբթի հայտարարել է, որ աշխարհի երկրները չպետք է առանց հիմնավոր պատճառի սննդամթերքի արտահանման սահմանափակումներ մտցնեն։
Գուտերեշը նշել է, որ ուկրաինական իրադարձությունների պատճառով կտրուկ աճել են «պարենի, էներգիայի և պարարտանյութերի գները», ինչն էլ, իր հերթին, հանգեցրել է «մատակարարումների շղթայի խաթարմանը և փոխադրումների գների ավելացմանը»։
