Իրաքյան Քրդստանի պատասխանը՝ թուրքական ԶԼՄ-ներին. «Ապատեղեկատվություն է»

Iraq

 Իրաքյան Քուրդիստանի  զինված ուժերը (Փեշմերգե)  հայտարարություն են տարածել Թուրքիայի ԶՈւ-ի կողմից  «Քրդստանի բանվորական կուսակցության» (ՔԲԿ-PKK) դեմ սկսած «Մագիլ-Կողպեկ» անվամբ ռազմական գործողության վերաբերյալ:

Գործողությունը հիմնականում ընթանում է Իրաքյան Քուրդիստանի Մեթինա, Զապ և Ավաշին-Բասյան շրջաններում, որտեղ ըստ թուրքական մամուլի պնդման՝ կան քուրդ զինյալների հենակետեր և ռազմաբազաներ: 

Հրապարակված հայտարարության մեջ  հերքվում է ԶԼՄ-ների վերոնշյալ պնդումը, որակելով այն որպես ապատեղեկատվություն:  

«Հերքում ենք  բոլոր պնդուները և հայտարարում, որ  Փեշմերգեի ուժերը որևէ կերպ չեն մասնակցել գործողությանը և որևէ քայլ չենք ձեռնարկել»,-ասված է հայտարարության մեջ։

Փեշմերգեն պահանջել է իրենց չներքաշել հակամարտող կողմերի խնդիրների մեջ: 

Հայտարարության մեջ նաև ասվում է, որ Իրաքյան Քուրդիստանի ու Իրաքի տարածքային ամբողջականության և ինքնիշխանության նկատմամբ պետք է հարգանք ցուցաբերվի: 

Հիշեցնենք, որ Թուրքիայի զինված ուժերը նոր ներխուժում են իրականացրել Իրաքի հյուսիսային շրջաններ, որտեղ գտնվում են «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության ճամբարները, պահեստներն ու թաքստոցներ:

Ըստ Թուրքիայի պաշտպանության նախարարության տարածած հայտարարության՝ «Մագիլ-կողպեք» անվանումով ռազմական օպերացիան ընդգրկում է Իրաքի Մեթինա, Զափ և Ավաշին-Բասյան շրջանները:

 

Ermenihaber.am

Ձեզ կհետաքրքրի...