Հաագայի դատարանը Հայաստանին ճանաչել է որպես Ղարաբաղի հուշարձանների իրավահաջորդ. փորձագետ
Հայկական ճարտարապետությունն ուսումնասիրող հիմնադրամի փոխտնօրեն Րաֆֆի Քորթոշյանը մեկնաբանել է Լեռնային Ղարաբաղի 44-օրյա պատերազմի ժամանակ Ադրբեջանի վերահսկողության տակ գտնվող տարածքներում հայկական մշակութային և կրոնական հուշարձանների նկատմամբ վանդալիզմի դեպքերը : RUSARMINFO-ի թղթակցի հետ զրույցում փորձագետն ասել է, որ Ադրբեջանի իշխանությունները երբեք չեն փորձի ապահովել ղարաբաղցի հայերի իրավունքները իրենց մշակութային և կրոնական ժառանգության նկատմամբ։ Մասնագետի խոսքով՝ դա հաստատում է Հադրութի եկեղեցու հետ կապված վերջին միջադեպը, որից ջնջվել են հայերեն արձանագրությունները։
Րաֆֆի Քորթոշյանը նշեց, որ ՅՈՒՆԵՍԿՕ-ն այլ բան չի կարողանում անել, քան հայտարարություններ, այդ թվում՝ իր մասնագետներին ուղարկել Ադրբեջանի կողմից վերահսկվող տարածքներ։ Միաժամանակ փորձագետն աննախադեպ է համարում Հաագայի միջազգային դատարանի որոշումը Հայաստանի հայցի վերաբերյալ՝ ընդդեմ Ադրբեջանի։ «Այս որոշման համաձայն՝ Հայաստանը ճանաչվում է Ադրբեջանի միջազգայնորեն ճանաչված տարածքներ համարվող տարածքներում գտնվող հուշարձանների իրավահաջորդ և սեփականատեր։ Սա աննախադեպ որոշում է, քանի որ նախկինում հուշարձանների նկատմամբ ճանաչվել է այն երկրների իրավասությունը, որտեղ դրանք գտնվում են»,- ասաց նա։
Րաֆֆի Քորթոշյանն ընդգծեց, որ այժմ Հայաստանը բոլոր իրավունքներն ունի դիմելու ՄԱԿ-ի միջազգային դատարան հայկական հուշարձանների նկատմամբ Ադրբեջանի ոտնձգությունների ապացույցներով։ Իսկ եթե արձագանք չլինի, Հայաստանն իրավունք ունի դիմել ՄԱԿ-ի Անվտանգության խորհրդին։
