Ռուսաստանն Ուկրաինայի ճգնաժամից դուրս գալու ելք չունի. Բայդեն
ԱՄՆ նախագահ Ջո Բայդենը հայտարարել է, թե փորձում է հասկանալ՝ ինչպե՞ս է վարվելու Ռուսաստանի Դաշնությունը մի իրավիճակում, երբ, իր կարծիքով, ելք չկա Ուկրաինայի ճգնաժամից։
Դեմոկրատական կուսակցության ներկայացուցիչների հետ հանդիպմանը Սպիտակ տան ղեկավարը մտահոգություն է հայտնել, որ Ռուսաստանի Դաշնությունը «այս պահին ելք չունի Ուկրաինայի ճգնաժամից դուրս գալու համար»։
«Եվ ես փորձում եմ պարզել, թե մենք ի՞նչ կարող ենք անել դրա համար»,- մեջբերում է Reuters-ը նրա խոսքերը:
Միևնույն ժամանակ, ըստ Սպիտակ տան մամուլի հաղորդագրության, Բայդենը Ռուսաստանի նախագահ Վլադիմիր Պուտինի գործողություններն անվանել է «շատ հաշվարկված»։
Ամերիկացի առաջնորդը նշել է, որ «Պուտինը կարծում էր, թե կարող է մասնատել ՆԱՏՕ-ն կամ Եվրամիությունը, բայց այդպես չեղավ»։
