25-ամյա աղջիկը 3 ամիս պարբերաբար գործընկերուհու բանկային քարտից փող է փոխանցել իր հաշվեհամարին
Հունիսի 10-ին ՀՀ ոստիկանություն հաղորդում տված կինը հայտնել է, որ ապրիլի 30-ից հունիսի 7-ն ընկած ժամանակահատվածում իր բանկային քարտից անհայտ պայմաններում պարբերաբար տարբեր չափի գումարներ են փոխանցվել բուքմեյքերական ընկերություններից մեկին:
Ոստիկանությունից հայտնում են, որ ոստիկանության Մասիսի բաժնի քրեական հետախույզները ձեռնարկած միջոցառումների արդյունքում պարզել են հանցագործությունը կատարողի ինքնությունը:
Այնթապ գյուղի 25-ամյա բնակչուհին հունիսի 14-ին հրավիրվել է բաժին, որտեղ ձեռնարկված միջոցառումների և բացատրական աշխատանքի արդյունքում խոստովանել է, որ ապրիլի 30-ից հունիսի 7-ն ընկած ժամանակահատվածում գործընկերուհու վստահությունը չարաշահելով՝ նրա բանկային քարտից պարբերաբար փող է փոխանցել բուքմեյքերական ընկերության իր հաշվեհամարին (ընդհանուր 145.100 դրամ) և կատարել խաղադրույքներ:
Նյութերի նախապատրաստումը շարունակվում է:
