Ֆինլանդիան իր քաղաքացիներին այլ երկրներին չի արտահանձնելու
Ֆինլանդիայի ԱԳ նախարար Պեկկա Հաավիստոն հայտարարել է, որ երկիրը որևէ պարագայում իր քաղաքացիներին այլ երկրներին չի արտահանձնելու։ Այս մասին նա ասել է Yle հեռուստաալիքին տված հարցազրույցում ։
«Ֆինլանդիայի պարտավորությունների համաձայն՝ Հելսինկին չի կարող իր քաղաքացիներին այլ երկրներին արտահանձնել, որտեղ նրանց սպառնում է մահապատիժ կամ խոշտանգումներ»,- ասել է Հաավիստոն՝ հավելելով․ «Ինչ վերաբերվում է արտահանձնմանը, ապա պահանջվում է, որ անձը մեղադրվի Ֆինլանդիայում ահաբեկչություն կատարելու կամ այն իրականացնել պատրաստվելու համար»։
Այս ամենն ուշագրավ է նաև այն բանի ֆոնին, որ Թուրքիան Ֆինլանդիայից պահանջում է արտահանձնել տասնյակների հասնող անձանց, որոնք Թուրքիայում համարվում են ահաբեկիչներ։
ՏԱՍՍ
-
-
