G20-ի երկրները չեն կիսում ԵՄ-ի դիրքորոշումն Ուկրաինայի հարցում. Բորել
ԵՄ Արտաքին գործերի և անվտանգության քաղաքականության հարցերով Բարձր ներկայացուցիչ Ժոզեպ Բորելը G20-ի արտգործնախարարների հանդիպման ժամանակ հայտնել է Ուկրաինայում Ռուսաստանի ռազմական գործողության վերաբերյալ տարբեր տեսակետների մասին՝ շեշտելով, որ ԵՄ-ի տեսակետն առայժմ գերիշխող չէ։
«Նարատիվների համաշխարհային պայքարը եռում է, և առայժմ մենք հաղթող դիրքում չենք։ Որպես ԵՄ մենք պետք է շարունակենք հերքել ռուսական սուտն ու ռազմական քարոզչությունը՝ պարզաբանելով՝ ով է պատասխանատու ագրեսիայի և հետևաբար նաև դրա հետևանքների համար», — գրել է Բորելը։
Նրա խոսքով՝ ԵՄ-ն պետք է հստակ գործողություններով իր համերաշխությունը հայտնի Ուկրաինային՝ օգնելով նրանց, ովքեր ամենից շատն են տուժել հատուկ գործողության հետևանքներից։ Բորելը նաև հավելել է, որ պարենային ճգնաժամը պայմանավորված չէ ԵՄ-ով ու պատժամիջոցներով, քանի որ ԵՄ-ն չի արգելում ռուսական գյուղատնտեսական ապրանքների կամ պարարտանյութերի ներմուծումն ու դրանց դիմաց վճարումը։
My key takeaways after the @g20org Foreign Ministers’ Meeting on the different perspectives around the world when it comes to Russia’s invasion of Ukraine and its consequences.
Read my new blog post: https://t.co/3jdQ5wMCkk pic.twitter.com/YCeTO7ifYV— Josep Borrell Fontelles (@JosepBorrellF) July 10, 2022
