Երևանի քաղաքապետին դուր են եկել իր հայտարարության շուրջ քաղաքացիների հումորները․ Նույնիսկ Քիմ Քարդաշյանին են հարցրել
Երևանի քաղաքապետ Հրաչյա Սարգսյանն անցկացնում է գործակարգավարական խորհրդակցություն, որի մեկնարկին անդրադարձել է իր վերջին հայտարարության վերաբերյալ արձագանքներին: Հիշեցնենք, որ խոսքը Երևանի 12 վարչական շրջաննեում տեղադրված համակարգի մասին է, որը հնարավորություն է տալիս ամեն առավոտ ժամը 7-ին հնչեցնել Երևանի հիմնը: Նա ասել է, որ ուրախալի է, որ քաղաքացիները Երևանին մեծ պատասխանատվությամբ են վերաբերվում և Երևանում տեղի ունեցող իրադարձությունների մասին իրենց վերաբերմունքն են արտահայտում, դա շատ գովելի է համարել ու հավելել.
Նա համոզմունք է հայտնել, որ նույն ջանասիրությամբ համատեղ մեկս մյուսին նկատողություն ենք անելու փողոցում, ասելու ենք՝ ինչու՞ եք աղբը թափում, կանգառը փչացնում:
Ինչ վերաբերում է հայտարարությանը, մանրամասնել է, որ Երևանի աշտարակում ժամը մեկ 3-4 վայրկյան հնչում է Երևանի հիմնը՝ Էդգար Հովհաննիսյանի երաժշտությամբ և Պ. Սևակի բառերով:
Վարչական շրջաններում տեղադրվել է համակարգ, որով այդ ղողանջները հնչում են, քաղաքապետի կարծիքով, դա Երևանի համար լավ կոլորիտ է: Ինչ վերաբերում է նրան, որ զանգերը խանգարում են տարբեր մարդկանց, առավոտյան ժամը 7-ից արթնացնում են, նա նշեց, որ այդ թեմայով հումորները շատ լավն էին:
«Նույնիսկ Քիմ Քարտաշյանին էին հարցրել, թե ինչ կարծիք ունի, հումորները շատ լավն էին: Մի բան կցանկանայի նշել, որ համակարգը իմ հայտարարությունից առաջ 25 օր է՝ աշխատում էր, և վստահ եմ, որ իմ հայտարարությունից հետո մարդիկ նույն ձև արթնացել են, և իրենց կյանքում շատ բան չի փոխվել, պարզապես հայտարարել եմ, որ աշխատում եմ»,-ասել է նա:
-
-
