Սիրիական բանակը պատրաստ է դիմակայել թուրքական ագրեսիային. SANA
Սիրիայի զինված ուժերի գլխավոր հրամանատարությունը հայտարարել է, որ Արաբական Հանրապետության կառավարական ուժերը լիովին պատրաստ են ինտենսիվ արձագանքելու թուրքական հնարավոր հարձակմանը ի պատասխան Թուրքիայի նախագահ Ռեջեփ Թայիփ Էրդողանի՝ Սիրիայի հյուսիսում նոր ռազմական գործողության մասին սպառնալիքներին։
«Վերջին երկու օրերի ընթացքում թուրքական զինուժի կողմից սիրիական տարածքների վրա հարձակումներից և տարբեր շրջանների և [սիրիական-խմբ.] բանակի մի շարք դիրքերի գնդակոծումից հետո մենք կրկնում ենք, որ մեր քաջարի բանակը պատրաստ է դիմակայել հնարավոր ամեն հարձակման»,- այսպես է սիրիական պաշտոնական SANA լրատվական գործակալությունը մեջբերել սիրիացի հրամանատարին, ով ցանկացել է անհայտ մնալ:
Անցյալ շաբաթ Էրդողանն ասել է, որ Անկարայի ծրագիրը նոր ռազմական հարձակման մասին Սիրիայի հյուսիս-արևելքում PKK/YPG քրդական ստորաբաժանումների դեմ կմնա օրակարգում այնքան ժամանակ, քանի դեռ չեն լուծվել Թուրքիայի անվտանգության մտահոգությունները։
-
-
