Օրերս անդրադարձել էի Վրաստանի արտգործնախարարի Թուրքիա այցին, որտեղ Չավուշօղլուի հետ հանդիպումից հետո վերջինս հայտարարել էր, թե քննարկել են նաեւ Ղարաբաղը

Անդրադարձ հոդվածում, որի հղումը կդնեմ մեկնաբանություն բաժնում , շոշափել էի այդ հանգամանքը, որ Թուրքիան Վրաստանի հետ քննարկում է մի հարց, որը «կրտսեր եղբայրը» ամենուր եւ անընդհատ հայտարարում է, թե «լուծել» է եւ «չկա այդպիսի հարց»: Մինչդեռ, իրավիճակն ու իրերի դրությունը շատ ավելի բարդ ու բազմաշերտ է, քան կարող է թվալ կամ դիտվել առաջին հայացքից:

Այդ ֆոնին, խիստ հատկանշական է այսօր ստացված տեղեկություն, որ Վրաստան է այցելել Հայաստանի վարչապետի աշխատակազմի ղեկավարը, Թբիլիսիում հանդիպելով ոչ միայն իր պաշտոնակցին, այլ նաեւ վարչապետ Ղարիբաշվիլիին եւ ուշադրություն՝ արտաքին գործերի նախարար Դարչիաշվիլիին: