Սուրիկ Խաչատրյանից և փոխկապակցված անձանցից 19.1 մլրդ դրամ արժեքով ապօրինի գույքը բռնագանձելու գործն ընդունվել է վարույթ
Վարույթ է ընդունվել Սուրիկ Խաչատրյանից և փոխկապակցված անձանցից շուրջ 19.1 մլրդ դրամ արժեքով ապօրինի ծագման գույքերն ու ակտիվները բռնագանձելու հայցադիմումը:
Այս մասին հայտնում են ՀՀ գլխավոր դատախազության հանրային կապերի բաժնից՝ ներկայացնելով մանրամասներ.
Այսպես՝ Երևան քաղաքի առաջին ատյանի ընդհանուր իրավասության դատարանը վարույթ է ընդունել ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչության 2022 թվականի հուլիսի 27-ին ներկայացված ապօրինի ծագում ունեցող գույքի բռնագանձման վերաբերյալ հերթական հայցադիմումը:
Դրանով դատարանին պահանջ է ներկայացվել ՀՀ Սյունիքի նախկին մարզպետ Սուրիկ Խաչատրյանից և նրան փոխկապակցված 5 անձանցից հօգուտ Հայաստանի Հանրապետության բռնագանձել մասնավորապես՝
- 5 անշարժ գույք՝ Երևան քաղաքում գտնվող առանձնատուն (երկու հասցեով), բնակարան, հասարակական նշանակության օբյեկտ, Գորիս քաղաքում գտնվող շինություն, 3 տրանսպորտային միջոց, իսկ անհնարինության դեպքում՝ դրանց միջին շուկայական արժեքները, որն ընդհանուր կազմում է ավելի քան 1.530.135.900 ՀՀ դրամ (1 միլիարդ 530 միլիոն 135 հազար 900 դրամ),
- մասնակցություններ թվով 3 իրավաբանական անձերում,
- 614.544.139 ՀՀ դրամ՝ (614 միլիոն 544 հազար 139 դրամ)որպես ապօրինի դրամական միջոցների մնացորդ,
- 2.410.463.523 ՀՀ դրամ (2 միլիարդ 410 միլիոն 463 հազար 523 դրամ), որը չի հիմնավորվում անձի օրինական եկամուտներով, ունի ապօրինի ծագում և հնարավոր չէ բռնագանձել՝ հիմք ընդունելով ապօրինի ծագում ունեցող գույքի բռնագանձման մասին օրենքի 20-րդ հոդվածի 4-րդ մասը,
- Ֆիզիկական և իրավաբանական անձանց տրամադրված ընդհանուր 4.450.350.364 ՀՀ դրամ (4 միլիարդ 450 միլիոն 350 հազար 364 դրամ)փոխառությունների և այլ դեբիտորական պարտքերի պահանջի իրավունքը,
- օֆշորային կազմակերպությանը փոխանցված 10.098.300.000 ՀՀ դրամ (10 միլիարդ98 միլիոն 300 հազար դրամ) ներդրման գումարը:
Գլխավոր դատախազությունը շարունակում է դատարան ապօրինի գույքի բռնագանձման հայցադիմումներ ներկայացնելու գործընթացն այն գործերով, որոնցով արդեն իսկ կիրառվել են հայցի նախնական ապահովման միջոցներ։
Վերոնշյալը դատարանի վարույթ ընդունած տասներեքերորդ նման հայցադիմումն է:
