Մոսկվայի հերթական ապտակը Ադրբեջանին. Էրդողանի և Ալիևի նկատմամբ կտրուկ ճնշումների օրը մոտենում է. «Փաստ»
Turkey’s President Recep Tayyip Erdogan, right and Russia’s President Vladimir Putin, left, attend a ceremony in Istanbul for the inauguration of the TurkStream pipeline, Wednesday, Jan. 8, 2020. The dual natural gas line connecting the countries will open up a new export path for Russian gas into Turkey and Europe, through new and existing lines. (AP Photo/Lefteris Pitarakis)
«Փաստ» թերթը գրում է. «Այն բանից հետո, երբ ՌԴ արտգործնախարար Սերգեյ Լավրովը հայտարարեց, որ Մերձավոր Արևելքից զինյալներ են ներգրավված Արցախյան պատերազմում, իսկ դրանց թիվն արդեն հասել է 2000-ի, արհեստածին ադրբեջանական պետության ղեկավարն ընկավ հերթական հիստերիայի մեջ՝ փորձելով նորից ապարդյուն ջանքեր գործադրել՝ ակնհայտը հերքել, իսկ Ռուսաստանին մեղադրել կողմնակալության մեջ:
Այնինչ, սա առաջին դեպքը չէ. փաստն այն է, որ ոչ միայն միջազգային ԶԼՄ-ներ, այլև տարբեր երկրներ նույնիսկ պաշտոնական մակարդակով են արդեն հաստատել, որ Թուրքիան ահաբեկիչներ է ուղարկում Ադրբեջանի կողմից կռվելու: Ալիևի հերթական նոպան այնքան անհեթեթ էր, որ նույնիսկ ՌԴ ԱԳՆ-ում էին ապշել:
«Ճիշտն ասած, մենք այնքան էլ լավ չենք հասկանում Ալիևի զգացմունքային արձագանքը Սերգեյ Վիկտորովիչ Լավրովի մեկնաբանությանը»,- ՏԱՍՍ գործակալությանն ասել է ՌԴ ԱԳՆ աղբյուրը՝ հեգնելով, թե «միգուցե Ադրբեջանի նախագահի օգնականները նրան ցույց են տվել ուրիշի նյութ կամ ներկայացրել են իրենց սեփական մեկնաբանությունը»:
Սակայն ամեն ինչ դրանով չավարտվեց: Երեկ Ռուսաստանի արտաքին հետախուզության ծառայության ղեկավար Սերգեյ Նարիշկինն ընդգծել է, որ ճշգրիտ տվյալներ կան Ղարաբաղյան հակամարտության գոտում Մերձավոր Արևելքից, առաջին հերթին՝ Սիրիայից ահաբեկիչների ներկայության մասին:
«Այդ տվյալները մենք ստացել ենք մի շարք երկրներից, տարբեր աղբյուրներից, մեր տարբեր գործընկերներից, Մերձավոր Արևելքի ու Միջինի Արևելքի գործընկեր հատուկ ծառայություններից»,-ասել է նա:
Ըստ էության, ակնհայտ է, որ Թուրքիայի և Ադրբեջանի կողմից կռվող բազմաթիվ վարձկան ահաբեկիչների գոյության փաստն այլևս անհերքելի է դառնում աշխարհի համար: Ըստ փորձագետների, հեռու չէ այն օրը, երբ Թուրքիայի և Ադրբեջանի, հատկապես այդ երկրների ղեկավարների նկատմամբ կհետևեն կտրուկ ճնշումներ՝ որպես ահաբեկչական նոր օջախ ստեղծողներ և ոչ միայն տարածաշրջանի, այլև աշխարհի համար նոր սպառնալիքներ ձևավորողներ:
Ի դեպ, պատահական չէ, որ մի շարք փորձագետներ կարծիք են հայտնում, որ իսլամիստ վարձկանների ներմուծումը Արցախյան հակամարտության գոտի ոչ միայն Արցախի ու Հայաստանի, այլև Ռուսաստանի դեմ է»:
Առավել մանրամասն՝ թերթի այսօրվա համարում:
-
-
