Ռուսաստանի արտակարգ իրավիճակների նախարարության ղեկավար Եվգենի Զինիչևը մահացել է Նորիլսկում ընթացող վարժանքների ժամանակ: Այս մասին հայտնել է նախարարության մամուլի ծառայությունը։
«Ցավով հայտնում ենք, որ Արտակարգ իրավիճակների նախարարության ղեկավար Եվգենի Զինիչևը զոհվել է ծառայողական պարտականությունները կատարելիս։ Դեպքը տեղի է ունեցել Նորիլսկում, միջգերատեսչական վարժանքներին՝ մարդու կյանք փրկելու ժամանակ», – նշված է հայտարարության մեջ։
Զինիչևը 55 տարեկան էր։
Լրացված
RT-ի գլխավոր խմբագիր Մարգարիտա Սիմոնյանը պատմել է նախարարի ողբերգական մահվան մանրամասները․
«Նա և օպերատորը կանգնած էին ժայռի եզրին: Օպերատորը սայթաքել է և ընկել ջուրը։ Բավականաչափ ականատեսներ կային. ոչ ոք նույնիսկ չի հասցրել հասկանալ, թե ինչ է տեղի ունեցել, երբ Զինիչևը ջուրն է նետվել օպերատորից հետևից և բախվել դուրս ցցված քարին։
Մահացել է որպես փրկարար»,-նշել է նա։
Մահացել է նաև օպերատորը։
-
-
