Իրաքյան «Sadr» շարժման առաջնորդը հայտարարել է, որ իրենք Թուրքիայի հարձակումների դեմ չեն լռի
Իրաքյան «Sadr» շարժման առաջնորդ Մուքթադա Աս Սադրը հայտարարել է, որ Թուրքիայի իրականացրած անդրսահմանային ռազմական գործողությունները խախտում են Իրաքի ինքնիշխանությունը և որ իրենք չեն պատրաստվում լուռ մնալ այդ հարձակումների դեմ:
Շարժման առաջնորդ Մուքթադա Աս Սադրն անդրադարձել է Թուրքիայի զինված ուժերի նոր ներխուժմանը Իրաքի հյուսիսային շրջաններ, որտեղ գտնվում է «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության ճամբարները:
Թուրքական զինուժի «Մագիլ-կողպեք» ռազմական օպերացիան ընդգրկում է Իրաքի Մեթինա, Զափ և Ավաշին-Բասյան շրջանները:
Սոցիալական ցանցում արած գրառմամբ Սադրը դատապարտել է Թուրքիայի հարձակումները՝ դրանք որակելով որպես Իրաքի ինքնիշխանության խախտում:
Նա նաև հայտարարել է, որ իրենք չեն պատրաստվում լռել ու համակերպվել։ Արդեն Թուրքիային հրավիրել են երկխոսության և հայտնել, որ իրենք պատրաստ են նպաստել խնդիրների լուծմանը երկխոսության և ժողովրդավարական մեթոդների միջոցով։
-
-
