Այսօրվա դրությամբ հաստատված 105 զոհ ունենք. Նիկոլ Փաշինյան
Եթե իրենք պնդում են, որ օրինակ Լեռնային Ղարաբաղն Ադրբեջանի մաս է. Լեռնային Ղարաբաղն Ադրբեջանի մաս եղել է Խորհրդային Միության շրջանում։
Եթե իրենք այդ քարտեզները չեն ճանաչում, պետք է հասկանալ, թե այդ պնդման քաղաքական հետեւանքներն ինչի՞ մասին են խոսում։
Ինչպես նախկինում, հիմա էլ ուզում եմ արձանագրել հետևյալը.
Մենք, խոսելով դեմարկացիայի և դելիմիտացիայի մասին, պետք է հենվենք իրավական որոշումների վրա։
Առանց իրավական հիմքի որևէ քարտեզ` դա գեղանկարչություն է։
Այն պնդումը, թե Ադրբեջանի և Հայաստանի միջև սահման չկա, ճիշտ չէ։
Այդ սահմանն այսօր խախտված է Ադրբեջանի կողմից, որն ագրեսիա է իրականացրել երկու փուլանի. առաջին փուլը նախորդ տարվա մայիսի 12-ին, և երկրորդը հիմա:
Ադրբեջանը որոշակի տարածքի նկատմամբ հսկողություն է սահմանել։
ՀԱՊԿ-ում կայացված որոշումները կարծում եմ իրավիճակի գնահատման առումով նվազագույն անհրաժեշտ որոշումներ են։
Մեր դաշնակիցը Ռուսաստանի Դաշնությունն է և ՀԱՊԿ-ը։
Մենք ՀԱՊԿ-ից խնդրել ենք օգնություն Հայաստանի տարածքային ամբողջականությունը վերականգնելու և ՀՀ տարածքից ադրբեջանական զինված ուժերի դուրսբերումն ապահովելու համար։
Իմ գնահատմամբ երեկ ՀԱՊԿ-ի նիստում ընթացք է տրվել մի գործընթացի, որը պիտի ունենա իր լուծումները։
Նախորդ օրը կեսգիշերից Հայաստանում ռազմական դրություն հայտարարելու նախագիծը գտնվում է իմ սեղանին։
Անվտանգության խորհրդի և այլ ֆորմատներով գնահատում ենք իրավիճակը, քանի այդ որոշումը չենք կայացրել, գտնում ենք, որ նման որոշման անհրաժեշտություն չկա։
Նիկոլ Փաշինյան
-
-
