Search and rescue workers at the crash site of a Ukrainian Boeing 737 outside Tehran, Iran. The plane crashed just after takeoff, killing all 176 aboard.
Իրանի իշխանություններն առաջարկել են 80-հազարական դոլար վճարել Թեհրանի մերձակայքում Boeing-ի աղետի հետևանքով զոհված ուկրաինացիների ընտանիքներին: Այս մասին հայտարարել է Ուկրաինայի նախագահ Վլադիմիր Զելենսկին «ТСН. Շաբաթ» հեռուստածրագրին տված հարցազրույցում:
«Նրանք միանգամից 80 հազար դոլար առաջարկեցին յուրաքանչյուր ընտանիքի համար, բայց մենք չհամաձայնեցիք: Ինձ թվում է, որ դա քիչ է: Երբ մահացածի կինն ասում է, որ ամուսինը միակ կերակրողն էր, և ինքը աշխատանք չունի, իսկ երեխան պետք է ինստիտուտ ընդունվի, 80 հազար դոլարը բավարար չէ», — ասել է Զելենսկին:
Նա ավելացրել է, որ Ուկրաինան մեծ փոխհատուցում կպահանջի Իրանից, բայց գումարը չի հստակեցրել:
Հունվարի 8-ին «Ուկրաինայի միջազգային ավիաուղիների» օդանավի կործանման հետևանքով 176 մարդ է զոհվել, որոնցից 11-ը՝ Ուկրաինայի քաղաքացիներ։ Մի քանի օր շարունակված հերքումներից հետո Իրանն ընդունել է, որ իր զինված ուժերն են «ոչ միտումնավոր» խոցել Boeing-737-ը։ Պաշտոնական Կիևը հայտարարել է, որ Թեհրանից ակնկալում է ոչ միայն մեղքի լիակատար ընդունում, այլև դրամական փոխհատուցում։