Ռուսաստանի կառավարության ղեկավար Միխայիլ Միշուստինին ժամանակավորապես կփոխարինի վարչապետի առաջին տեղակալ Անդրեյ Բելուսովը: Միշուստինը բուժվում է կորոնավիրուսից:
Բելուսովը Միշուստինի նոր կառավարություն մտավ 2020 թվականի հունվարին: Մինչ այդ՝ մոտ յոթ տարի, նա եղել է նախագահ Վլադիմիր Պուտինի օգնականը:
Բելուսովը նոր կառավարությունում միակ առաջին փոխվարչապետն է: Նրա պատասխանատվության շրջանակը շատ մեծ է, ներառյալ տնտեսական զարգացումը, ազգային նախագծերի իրականացումը, ինչպես նաև փոքր և միջին բիզնեսի ու ներդրումային միջավայրի զարգացման ծրագիրը: Հավանաբար, նա ժամանակավորապես համատեղելու է փոխվարչապետի և վարչապետի պարտականությունները, ինչպես նաև պատասխանատու կլինի տնտեսության զարգացման համար: