Ռուսաստանում ընտրողների 77.93 տոկոսը կողմ է քվեարկել Սահմանադրության փոփոխություններին: Այս մասին հայտնում է РИА Новости-ն` հղում անելով ՌԴ Կենտրոնական ընտրական հանձնաժողովի՝ առցանց քվեաթերթիկների 99.9 տոկոսի մշակման հիման վրա հրապարակած տվյալներին:
Նշվում է, որ սահմանադրական փոփոխություններին դեմ է քվեարկել մասնակիցների 21.26 տոկոսը: Ընդհանուր մասնակցությունը կազմել է մոտ 65 տոկոս:
Հիշեցնենք, որ Սահմանադրական փոփոխությունների քվեարկությունը Ռուսաստանում մեկնարկել էր հունիսի 25-ին և ավարտվել հուլիսի 1-ին: