«Եթե նախագահը չստորագրի «Սահմանադրական դատարանի մասին» օրենքը եւ Սահմանադրական դատարանում չվիճարկի այն 5-օրյա ժամկետում, ես հաճույքով կստորագրեմ»: Անդրադառնալով նախագահի հայտարարությունից հետո խոսակցությունների առիթ տված օրենքի ճակատագրին՝ լրագրողների հետ զրույցում ասաց ԱԺ նախագահ Արարատ Միրզոյանը:
ԱԺ նախագահը տեղեկացրեց, որ այդ թեմայով չի խոսել ՀՀ նախագահի հետ:
«Ես հետեւել եմ քննարկումներին, հնչել են երկու տարբեր կարծիքներ: Մի մասը պնդում է, որ այն պահից սկսած, երբ որ ՀՀ նախագահը գրությամբ ինձ տեղեկացրել է, թե չի ստորագրելու, ես կարող եմ ստորագրել: Մյուս մասը՝ իրավաբանների գերակշիռ մեծամասնությունը, ընդ որում, քաղաքական տարբեր ճամբարներից, կարծում են, որ անկախ այդ գրությունից, նախագահը ունի իրեն տրված 21 օրը, նախագահը կարող է փոշմանել, կարող է վիճարկել ՍԴ-ում, եւ, ահա, 21-օրյա ժամկետից հետո ԱԺ նախագահի համար առաջանում է իրավական հնարավորություն՝ ստորագրել կամ չստորագրել այդ օրենքը»:
armtimes.com
