Աշխատանքային այցով Անդորրայում գտնվող Իսպանիայում ՀՀ դեսպան Վլադիմիր Կարմիրշալյանը հանդիպել է այդ երկրի խորհրդարանի նախագահ Ռոսեր Սունյե Պասկուետի հետ, հայտնում են դեսպանությունից։
ՀՀ դեսպանը զրուցակցին ներկայացրել է Արցախի դեմ ադրբեջանա-թուրքական ագրեսիայի արդյունքում տարածաշրջանում ստեղծված իրավիճակը, կարևորել հայ ռազմագերիների և գերեվարված քաղաքացիական անձանց անհապաղ Ադրբեջանից հայրենիք վերադարձնելու անհրաժեշտությունը։
Կողմերը քննարկել են նաև երկու երկրների միջև միջխորհրդարանական համագործակցության զարգացման հեռանկարները։