WhatsApp մեսենջերը պատրաստվում է ներկայացնել այնպիսի տարբերակ, որը կհեշտացնի նամակագրության պատմության փոխանցումն iOS և Android սարքերի միջև:
Այս մասին տեղեկացնում է WABetaInfo պորտալը:
Նշվում է՝ նոր գործառույթը, որը հայտնի է «միգրացիա» (թարգմ.՝ գաղթ) անունով ներառում է նամակագրությունների, հաղորդագրությունների պատմության, ստացված ֆայլերի և բաժանորդագրությունների փոխանցում մի հարթակից մյուսը:
Այժմ փոխանցում հնարավոր է իրականացնել միայն երրորդ ծրագրերի օգտագործման դեպքում: Սրա պատճառն այն է, որ Apple-ի սարքերում պահուստավորումը արվում է iCloud ամպային ծառայության մեջ, իսկ Android սարքերը տվյալները պահուստավորում են Google Drive-ում:
Նոր գործառույթն այժմ փորձարկման փուլում է և հասանելի կլինի WhatsApp-ի հաջորդ թարմացման մեջ: