2016թ. պատերազմից հետո այն ժամանակ Հայաստանի նախագահ Սերժ Սարգսյանը խոստացել էր վերադարձնել «օկուպացրած տարածքները» և դրա համար խնդրել էր երկու շաբաթ ժամանակ: Այս մասին հայտարարել է Ադրբեջանի նախագահ Իլհամ Ալիևը՝ Բաքվում հայկական ռազմավարի պուրակի բացման հանդիսավոր արարողությանը:
Ալիևի խոսքով՝ դրան խանգարել է Երևանի ՊՊԾ գնդի գրավումը, և հենց դրա վրա էլ հիմնվելով՝ Սարգսյանը հրաժարվել է կատարել խոստումը:
Նա նշել է, որ 2018թ. հեղափոխությունից հետո իշխանության եկած Նիկոլ Փաշինյանը նույնպես խոստացել է լուծել խնդիրը և ժամանակ խնդրել՝ ներքաղաքական հարցերը կարգավորելու համար, «բայց հայերը կրկին խաբեցին», և «պարզ էր, որ բանակցություններն անիմաստ են»:
Ալիևը նաև նշել է, որ տարիներ շարունակ միջազգային միջնորդները, բանակցություններ վարելով, խաբել են իրենց: Նրանք փորձել են ոչ թե լուծել, այլ սառեցնել հակամարտությունը, քանի որ ցանկանում էին «օկուպացված տարածքները թողնել հայերին»:
«Այդ պատճառով բանակցություններին զուգահեռ նախապատրաստական աշխատանքներ են տարվել, և մենք դա չենք թաքցրել,- ասել է նա:- Որպեսզի կախված չլինենք մեկ կողմից, գնվել է սպառազինություն տարբեր տեղերից»:
Ամբողջական հոդվածը կարող եք կարդալ այս հասցեով