Տաջիկ սահմանապահներն ավելի քան 1000 աֆղան զինվորականների թույլ են տվել մտնել երկրի տարածք, որոնք նահանջել են Տալիբան շարժման գրոհայինների հետ բախումներից հետո։ Այս մասին հայտնում է «Հովար» գործակալությունը՝ հղում անելով Տաջիկստանի սահմանապահ ծառայությանը։
«Տալիբների հետ զինված բախումների ժամանակ 1037 աֆղան զինծառայողներ նահանջել են, որ փրկվեն՝ հատելով սահմանը», – նշված է հաղորդագրությունումը։
Տալիբանը մասշտաբային հարձակում է սկսել կառավարական զորքերի դեմ այն բանից հետո, երբ մայիսի 1-ին ՆԱՏՕ-ի երկրներն ԱՄՆ գլխավորությամբ սկսեցին զորքերը դուրս բերել Աֆղանստանից։ Այժմ Տալիբանը վերահսկում է երկրի տարածքի 40 տոկոսը։
Ավելի վաղ աֆղան զինծվորականներն արդեն մի քանի անգամ հատել են Տաջիկստանի հետ պետական սահմանը՝ նահանջելով տալիբների հետ մարտերի ժամանակ։ Հունիսի 23-ին տաջիկական սահմանը հատել էին 130 աֆղան զինծառայողներ, իսկ հուլիսի 3-ին՝ ավելի քան 300։
Հիշեցնենք, որ հուլիսի 1-ին ԱՄՆ պետքարտուղար Էնթոնի Բլինքենը հանդիպել էր Տաջիկստանի արտաքին գործերի նախարարին՝ հավաստիացնելով, որ ԱՄՆ-ն կաջակցի Տաջիկստանի անվտանգությանը, կայունությանը և տարածքային ամբողջականությանը։
civic.am