Հուլիսի 3-ին ճապոնական Աթամի քաղաքում տեղի ունեցած զանգվածային սողանքից հետո անհայտ կորածների թիվն անցնում 100-ը՝ հաղորդում է Reuters լրատվական գործակալությունը՝ վկայակոչելով տեղական լրատվամիջոցները:
Փրկարարների նախնական տվյալների համաձայն՝ հնարավոր զոհերի թիվը 80 է, բայց դա վերջնական չէ: Առայժմ հայտնի է երեք զոհի մասին: Աղետի վայրում աշխատում է ավելի քան 1,5 հազար փրկարար:
Հորդառատ անձրևների պատճառով առաջացած սողանքը քանդել կամ վնասել է 130 տուն: Ջուրը, ցեխը և ավերակների բեկորները հոսել են ավելի քան երկու կիլոմետր՝ Աթամի քաղաքից հասնելով ծով: