Ադրբեջանի նախագահ Իլհամ Ալիևը հայտարարել է, որ իբր կողմ են տարածաշրջանում խաղաղության հաստատմանը՝ խաղաղության պայմանագրին, իհարկե այն բանից հետո, երբ Հայաստանը կճանաչի «Ադրբեջանի տարածքային ամբողջականությունը»: Այս մասին, Trend գործակալության հաղորդմամբ, Ալիևը հայտարարել է CNN Turk հեռուստաընկերությանը տված հարցազրույցում:
Հարևան երկրի ղեկավարը նշել է, որ հայկական կողմը դեմ է նրանց այդ պահանջին. «Երևում է Հայաստանը պատրաստ չէ դրան կամ դեմ է դրան: Դա նրանց կողմից սխալ կլինի, ու հենց իրենք են զղջալու, քանի որ մենք միշտ չէ, որ սեղանին դնելու ենք այս առաջարկը: Եթե նրանք դեմ են այդ առաջարկին, թող այպես էլ ասեն: Եթե կողմ են, եթե Հայաստանը պատրաստ է ճանաչել Ադրբեջանի տարածքային ամբողջականությունը, խաղաղություն կգա տարածաշրջան: Այդ նպատակի համար այժմ սեղանին կոնկրետ առաջարկներ են դրված»: