Անի համայնքի Սառնաղբյուր բնակավայրում բնակարանամուտ են տոնել 8 ընտանիքներ, որոնք շահառու էին ճանաչվել գյուղական բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման ծրագրի շրջանակներում։
Պետական աջակցությամբ իրականացվող բնակարանային ապահովման ծրագրի շահառու Շիրակի մարզում դարձել է 25 ընտանիք։ Աշխատանքներն իրականացվում են ծրագրի տվյալ ընտանիքների ներգրավմամբ և «Ֆուլեր տնաշինական կենտրոն» բարեգործական հասարակական կազմակերպության աջակցությամբ: