Մայիսի 9-ին մի քաղաքացի դիմել էր ոստիկանության «Զվարթնոց» օդանավակայանի գծային բաժին և հայտնել, որ վճարովի ավտոկայանատեղիից գողացել են իր այփադը:
Բաժնի քրեական հետախույզների ձեռնարկած միջոցառումների արդյունքում ստացվել է օպերատիվ տեղեկություն, որ համակարգիչը գողացել է մայրաքաղաքի բնակիչ, 42-ամյա մի տղամարդ: Կասկածվողի ինքնությունը պարզելուց հետո բացատրական աշխատանք իրականացվեց, ինչի արդյունքում մայիսի 13-ին տղամարդը ներկայացավ բաժին ու խոստովանական բացատրություն տվեց։
Գողոնը հայտնաբերվել է։ Դեպքի հանգամանքները պարզվում են:
`Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: