Ուկրաինայի ռազմածովային ուժերը հայտարարել են Ռուսաստանի Սևծովյան նավատորմի «Վասիլի Բեխ» քարշակին հարվածելու մասին, որը զինամթերք, զենք և նավաստիներ էր տեղափոխում Օձերի կղզի։ Ռուսաստանը դեռ չի մեկնաբանել այս պնդումները։ Այս տեղեկատվության անկախ հաստատում դեռևս չկա։
«Նույնիսկ TOR զենիթահրթիռային համակարգի առկայությունը չի խանգարել Ուկրաինայի ռազմածովային ուժերին ապառազմականացնել ռուս զավթիչներին»,- ասվում է Ուկրաինայի ռազմածովային ուժերի ղեկավարության հայտարարության մեջ։ Օդեսայի տարածաշրջանային ռազմական վարչակազմի ղեկավար Մաքսիմ Մարչենկոն հաստատել է ուկրաինական ուժերի հաջող հրթիռային հարձակման մասին տեղեկությունները ռուսական «Վասիլի Բեխ» նավի վրա։
Նրա խոսքով՝ ուկրաինացի զինվորականները նավի դեմ օգտագործել են ամերիկյան Harpoon հրթիռներ։ Մայիսի վերջին Ուկրաինայի պաշտպանության նախարարությունը տեսանյութ էր հրապարակել Facebook-ում, որտեղ ասվում էր, որ Կիևը Դանիայից, Մեծ Բրիտանիայից և Նիդեռլանդներից ստանում է ցամաքային կայաններ և համապատասխան քանակությամբ «Հարփուն» հականավային հրթիռներ։ «Շնորհավորում ենք «Մոսկվա» հածանավի անձնակազմին»,- գրել է Մարչենկոն իր Telegram ալիքում։