Մոսկվայաբնակ բարերար, մեր համաքաղաքացի Էմիլ Ռաֆիկի Երիցյանը Ստեփանավանում սուբեվենցիոն ծրագրով իրականացվող Խորենացի և Մխիթար Սպարապետ փողոցների հիմնանորոգման համար (համայնքի ներդրման բաժնեմաս) նվիրաբերել է 70 515 940(յոթանասուն միլիոն հինգ հարյուր տասնհինգ հազար ինը հարյուր քառասուն ) ՀՀ դրամ։
Այս մասին ասվում է համայնքապետարանի էջում: Նշվում է, որ այդ կապակցությամբ երեկ Ստեփանավանի համայնքապետարանում, համայնքի ղեկավար Արմեն Գրիգորյանն ու Էմիլ Երիցյանը կնքել են նվիրաբերության պայմանագիր, որի հիման վրա էլ կնքվել է համաձայնագիր։
Ստեփանավանի համայնքապետարանը՝ ղեկավար Արմեն Գրիգորյանի գլխավորությամբ, խորին երախտագիտություն է հայտնել Էմիլ Երիցյանին՝ օրինակելի և հայրենանվեր գործունեության համար և վստահեցրել, որ համայնքապետարանը սիրով և բարձր պատասխանատվությամբ է ընդունում նման արժանապատիվ քայլերը՝ ի նպաստ Ստեփանավանի։